حرم الشریف میں اس سال کی آخری تراویح، 20 لاکھ سے زائد افراد کی شرکت

(مکہ المکرمہ۔اُردونیٹ پوڈکاسٹ 29 رمضان 1439ھ) حرم الشریف میں رواں سال رمضان المبارک کی آخری تراویح یعنی ختم القرآن میں 20 لاکھ سے زائد افراد نے شرکت کی۔ اس روح پرور اجتماع کو سعودی عرب سمیت کئی ملکوں میں مکہ المکرمہ سے براہِ راست نشر کیا گیا۔

اس سال رمضان المبارک کی ختم القرآن کی آخری تراویح کی امامت شیخ ڈاکٹر عبدالرحمٰن السدائس نے کی۔

حرم الشریف کی طرح مدینہ منورہ میں بھی مسجد النبوی ﷺ میں لاکھوں مسلمانوں نے اس سال رمضان المبارک کی آخری تراویح ادا کی۔

حرم الشریف میں افطاری کا منظر
حرم الشریف میں روزانہ لاکھوں افراد نے افطاری کی

رمضان المبارک کے دوران دنیا بھر سے لاکھوں مسلمان عمرے کی ادائیگی اور خصوصی عبادات کیلئے مکہ المکرمہ تشریف لاتے ہیں جبکہ مسجد النبوی ﷺ میں بھی لاکھوں مسلمان خصوصی عبادات اور زیارت کرتے ہیں۔

مسجد النبویﷺ میں افطاری کا منظر
دنیا بھر سے آئے ہوئے مسلمان مسجد النبویﷺ میں روزانہ افطاری کرتے ہیں

رمضان المبارک کے پورے مہینے کے دوران دونوں مقدس ترین مساجد میں روزانہ افطار کا بندوبست کیا جاتا ہے۔ لاکھوں افراد کی موجودگی میں منظم انتظامات قابلِ دید ہوتے ہیں۔ رواں سال بھی سعودی عرب کی حکومت اور دونوں مقدس مساجد کی انتظامیہ نے عمرے اور زیارت کیلئے دنیا بھر سے آنے والے مسلمانوں کیلئے قابلِ ستائش انتظامات کیے۔

جواب لکھیے

براہ مہربانی اپنا تبصرہ یہاں لکھیں
براہ مہربانی یہاں اپنا نام لکھیں